لو بصينا علي علاقتنا في الحياة هنلاقي كتير منها بيتحدد بناءاً علي ارتباطنا بالناس اللي حوالينا سواء كانت علاقات عاطفيه او علاقات بأهلنا او حتي مع اصدقائنا كتاب متعلق بيفسرلنا طريقة ارتباطنا بالناس اللي حوالينا وطريقة احساسنا بالمشاعر او ليه بنحس بمشاعر معينه في العلاقات سواء بقا مشاعر خوف او مشاعر قلق او حتي مشاعر حب واهتمام انهارده جاي اقدملكم ملخص كتاب Attached اللي هو كتاب متعلق بخطوات بسيطه وعمليه هتساعدك تفهم نفسك اكتر وكمان تعرف ازاي تطور من العلاقات اللي بتدخل فيها.

السر وراء نجاح أو فشل علاقاتك | ملخص كتاب متعلق

كتير مننا بيواجه مشاكل في العلاقات سواء مع الناس اللي بنحبها او مع اهلنا او حتي مع اصحابنا بس هل فكرت في يوم ان ممكن يكون السبب في دا هو نمط التعلق الخاص بينا علم النفس بيقولنا ان فيه 3 انماط رئسيه لتعلق وهم نمط التعلق القلق ونمط التعلق التجنبي ونمط التعلق الامن .

انماط التعلق الرئيسيه

انماط التعلق دي بتفسر طريقة تفكيرنا وطريقة تعاملنا في العلاقات وكمان فهمك لنمط التعلق بتاعك ونمط التعلق بتاع شريك حياتك وازاي هما بيأثروا علي علاقتكم هيساعدك جداً تقلل من التحديات والمشاكل اللي بتحصلكم وكمان تقلل من سوء التفاهم علشان كدا لو حابب تحسن من علاقاتك إبدء افهم نمط التعلق الخاص بيك.

التعلق القلق: وهو واحد من اهم الانماط اللي بتأثر علي علاقتنا بشكل كبير جداً لو انت من الاشخاص اللي دايما بيكونوا قلقانين في العلاقات دايما بيفكروا في الشخص التاني هل فعلاً بيحبنا ولا لا هل بيخدعنا دايما بيكون عندهم خوف ف غالباً دا ممكن يكون بسبب نمط التعلق القلق.

الاشخاص اللي عندهم نمط التعلق القلق دا غالباً بيكون عندهم خوف شديد من اللي بيحبوهم يسيبوهم او الناس اللي هما متعودين عليهم يجرحوهم وهكذا وتقريبا دايما هتلاقيهم بيسعوا بإستمرا لتأكد من ان الطرف التاني بيحبهم فعلاً ولا لا لكن للاسف دا بيحط صغط كبير علي العلاقة اللي موجودين فيها فهمك لنمط التعلق الخاص بيك دا مش معناه انك تغير نفسك بشكل كامل ولكن مثلا لو انت عندك نمط التعلق القلق وانت فهمت حاجه زي كدا هيساعدك ان انت تحاول تقلل من قلقك وكما يساعدك ان انت تطور علاقاتك.

التعلق التجنبي: ودا واحد من اهم الانماط اللي بتأثر علي علاقتنا بشكل غير مباشر لو انت من الاشخاص اللي مبيحبوش العلاقات او بيبعدوا عن الحب فغالباً دا بسبب نمط التعلق التجنبي والناس اللي عندهم نمط التعلق التجنبي هتلاقيهم دايما حاطين space  او مساحه بينهم وبين الناس التانيه حتي لو بيحبوهم لان هما مقتنعين ان كل ما يقربوا اكتر كل ما هينجرحوا اكتر فلذالك تحس انهم مش بيحبوا العلاقات مش بيحبوا القرب بشكل عام كتير جدا بيحبوا الحريه بتاعتهم ومبيحبوش ان هما يستغنوا عن استقلاليتهم.

التعلق الامن: وهو النمط المثالي لتكوين علاقات مستقرة مليانة حب مليانة راحه وكمان العلاقات دي هي اللي بتدوم لو انت من الاشخاص اللي بيعرفوا يعبروا عن مشاعرهم بسهولة وكمان بيعرفوا يواجهوا اي مشكله تقابلهم بدون ما يقلقوا بدون ما يخافوا بدون ما يهربوا ف غالباً بسبب ان انت عندك نمط التعلق الامن الاشخاص اللي عندهم نمط التعلق الامن دايما بتلاقيهم بيعرفوا يوازنوا بين التقرب من الشخص اللي قدامهم او التقرب من الشخص التاني او من الناس اللي بيحبوها وكمان بيخلقوا لنفسهم مساحه شخصية لنفسهم علشان يحافظوا علي استقلاليتهم وحريتهم وعلي حياتهم الخاصه وكمان خلق مساحه شخصية للطرف التاني وميديقوش عليه الخناق مهم جدا انك تفهم قبل ما ننتقل علي الجزء التاني ان التعلق الامن دا هو مش صفه هو مهارة ممكن تتعلمها حتي لو انت عندك نمط التعلق القلق او نمط التعلق التجنبي المهم تشتغل علي نفسك وتطبق الخطوات اللي هقولك عليها.

كيف تتكون أنماط التعلق وكيفيه تغييرها

عمرك فكرت ان طريقة تربيتك في الطفولة ممكن تكون سبب في طريقه التعلق في العلاقات دلوقتي؟ الحقيقة ان انماط التعلق بتبتدي تتكون معانا في مرحلة الطفولة ودا بناءاً علي علاقتنا بوالدينا او بناءاً علي الطريقه اللي الناس اللي قاموا برعيتنا ربونا بيها ولكن دا ميمنعش ان انت متقدرش تغير نمط التعلق اللي انت اكتسبته من الطفولة.

ممكن تغيرها عن طريق اول حاجه تكون واعي اساسا بنمط التعلق بتاعك تكون عارف انك بتتصرف في العلاقات بالاسلوب دا علشان مثلا عندي نمط التعلق القلق علشان مثلا عندي نمط التجنبي وهكذا فتبتدي تشوف بقا السلبيات بتاع كل نمط فيهم وتتفاداها وبالتالي تقدر تغير نمط التعلق بتاعك متقلقش نمط التعلق زي ما قولتلك مش شيء ثابت هوشئ متغير ممكن يتغير بناءاً علي إرادتك انت المهم يكون عندك تغيير من داخلك  ان انت فعلا عايز تتحسن.

مهم انك تكون صادق مع نفسك زي ما قولتلك مهم جدا ان انت تحدد نمط التعلق بتاعك بصدق يعني مثلا مش علشان التعلق الامن هو فلة وفيه كل الايجابيات هتقول اه انا عندي نمط التعلق الامن اكيد يعني ولكن بالعكس انت كدا بتوهم نفسك اكتر وبتزود البلا طين مهم جدا انك تكون صادق مع نفسك انا فعلاً بواجه مشكله من النوع دا انا حاسس ان النمط دا بينطبق عليا لان الوعي هو اول خطوه لتغيير.

الخطوة التانيه حسن مهارات التواصل بتاعتك مع شريك حياتك لان مهارات التواصل هي اساس العلاقات الصحيه وكمان تعبر عن مشاعرك واحتياجك بشكل صادق مهم جداً تعرف ان تغيير انماط التعلق بتاعتنا محتاجه صبر ووقت ومجهود وتفهم برضو ان فهمك لنمط التعلق بتاع  شريك حياتك هيساعدك جداً علي معرفة الاحتياجات الخاصة بيه وبالتالي هتقصر الطريق بينكم.

ازاي تفهم نمط التعلق الخاص بشريك حياتك

اول خطوه عندنا هي انك تسال شريك حياتك اسئله مفتوحه تساعدك ان انت تفهم مشاعره زي مثلا ايه اكتر حاجه بتريحك في علاقتنا ؟ وايه اكتر حاجه بتضايقك مني لما مثلا بيحصل خناق بينا ؟

الخطوه التانيه وهي انك تلاحظ ردود افعال شريك حياتك في العلاقه بتاعتكم يعني مثلا لو لاحظت قلق وخوف ودايما بيحتاج للامان والطمائنينة وهكذا فغالباً عنده تعلق قلق لاقيته مثلا بيبعد عنك ومش بيقرب منك وبيهجرك ف دا بسبب نمط التعلق التجنبي .

من احد الاشياء المهمه جداً نتكلم عليها واللي بتأثر علي علاقتنا بشكل كبير جداً بجانب انماط التعلق الرئيسيه وهي الجروح والتجارب المؤلمة اللي من الماضي كلنا بندخل علاقات جديده ومعانا جروح وتجارب مؤلمة من الماضي صدقني شريك حياتك مش استثناء من القاعدة دي نهائياً ولكن دايما الحب بيتكون بينكم لما انتوا الاتنين تساعدوا بعض علي التعافي انت تساعد شريك حياتك ان هو يتعافي من الجروح دي سواء بقا الجروح دي بناءاً علي طريقة التربيه الغلط بناءاً علي مواقف معينة مع الاصدقاء او مع شريك حياة وهكذا او مثلا يعني تجارب مؤلمة مواقف معينة فقدان حد بيحبه من وفاة حاجات زي كدا تساعدوا بعض ان انتوا تتعافوا صدقني دا بيكون الحب الحقيقي وصدقني العلاقه دي بتبقي صحيه وبتكمل.

مهم جداً في العلاقات اللي من النوع دا انك تعبر عن حبك ودعمك لشريك حياتك بطرق يفهمها زي مبنقول كدا love language  لغة الحب وتفهم ساعات ان مجرد ان انت تسمع لشريك حياتك ممكن يعمل فرق بينكم مجرد اساسا ان تخليه يفضفضلك عن حاجات بتوجعه ساعات بتساعده جداً يبني ثقة جديده معاك وان علاقتكم تبقي اكثر نضجاً ولذيذة.

طرق التعامل مع سلبيات انماط التعلق

كلنا بنمر بمشاكل قلق وخوف في علاقاتنا وساعات اساسا بنحس ان المشاكل السلبيه اللي بيتجيلنا دي اكتر بكتير من قدرتنا علي التحمل وحقيقة فيه خطوات بسيطة جداً ممكن تساعدك ان انت تهدي نفسك وتساعدك كمان ان انت تتعامل مع القلق دا بشكل افضل.

اول حاجه لما تستحضرك مشاعر سلبيه خد نفس عميق وابدء اتنفس ببطئ لان التنفس البطيئ او العميق بيساعد ان احنا نهدي و نريلاكس وكمان نقلل من مشاعر القلق دي وتساعد عقلك وجسمك علي الهدوء.

تاني حاجه وهي حاجه مهمه جداً ان انت تركز علي الحوار ومتركزش الافتراضات بدل ما تقعد تفترض حاجات سلبيه ومش موجوده اساسا روح direct علي شريك حياتك وواجهه بالمشاعر دي واجهه بإحتياجاتك وكمان قلقك صدقني التعبير عن قلقك مش ضعف نهائياً او مجرد ان انت تبقي قلقان دا مش ضعف منك ولكن هي طريقة بتعبر بيها عن قلقك فيعني هو اساسا شريك حياتك مفروض منه ان هو يسمعك علشان تبدئوا ان انتوا تبقي العلاقه بتاعتكم علاقه كويسه المهم لما تجيلك مشاعر خوف او قلق متكتمهاش جواك او في نفسك لان لما انت تطلع المشاعر دي برا صدقني بتقلل من اثرها السلبي عليك جداً وتفهم ان التعبير عن مشاعرك دا مش ضعف منك ولكن هو دليل على شجاعتك ونيتك الصادقة لتحسين العلاقة بتاعتكم.

نيجي لتاني نمط عندنا وهو نمط التعلق التجنبي وازاي نتعامل معاه وازاي هو بيأثر علي علاقتنا لان زي ما انتوا عارفين الاشخاص اللي عندهم نمط التعلق التجنبي دايما بيبعدوا عن الحب وبيخافوا من القرب لان هما بيخافوا انهم ينجرحوا اول خطوه في تغيير نمط التعلق بتاعك لو كان نمط تجنبي علشان تكون علاقات مليانه حب وثقة وامان هي انك تعترف بمخاوفك وتعترف بالمشاعر السلبيه اللي بتجيلك وتبدأ تسأل نفسك اساله صريحه انا ليه بتعامل بالاسلوب دا وليه ببعد عن الناس اللي بيحبوني اساسا.

الخطوه الثانيه هي انك تبدأ تقرب من شريك حياتك مهم جدا تعرف ان القرب دا مش ضعف القرب دا بيخلق مساحه امنة وبيخلق علاقات صحية وكمان بيقويها وواجب التنبيه ان فيه بعض الاستراتجيات البسطه اللي بتخليك تتعامل مع التعلق التجنبي اللي عندك والاستراتجيات دي بتعتمد بشكل اساسي علي التعبير عن مشاعرك لما تجيلك مشاعر خوف وقلق وعدم إطمئنان للطرف التاني مهم جداً انك تعبر عن المشاعر دي بشكل صادق وبشكل ريلاكس بس مش بشكل هجومي بمعني ايه؟ حاول تخلي التعبير دا كأنه علي هيئة طلب خلينا ناخد مثال سواء انت او انتي مثلا يعني بدل ما تقولي انت مبقتش مهتم بيا كدا بشكل هجومي انت كدا بتلوم مش بتعاتب ممكن تخليها بشكل الطف زي مثلا انا مبقتش احس بوجودك جمبي محتاج احس بوجودك جمبي بشكل اكبر هتلاقي اللي قدامك عملك كل اللي انت عايزه علشان بس الطريقه لذيذه.

العلاقه بين شخصين عندهم تعلق قلق وتجنبي

اولاً لما تنشأ علاقه بين شخص عنده تعلق قلق وشخص عنده تعلق تجنبي بتظهر بينهم تحديات وبتظهر بينهم مشاكل كتير جداً لكن هل دا معناه ان احنا نسيب بعض او ان الشخصين دول يسيبوا بعض؟ اكيد لا فيه حلول للجاحات دي.

الشخص اللي عنده تعلق قلق هو شخص دايما قلقان شخص بيقرب للشخص اللي قدامه بيحس ان هو عايز طمأنينة وامان من الشخص اللي قدامه ف دايما مضيق عليه الخناق في حين اساسا اللي عنده تعلق تجنبي دا كل ما يشوف الشخص اللي قدامه بيقرب منه بيهرب وهو اصلا بيخاف من العلاقات وبيخاف من كل الكلام ده علشان هو خايف ينجرح وهكذا ولذالك يا شباب مهم جداً في طريق العلاج من الانماط التعلق السلبيه دي مهم جداً هما الاتنين يفهموا انماط التعلق يعني اول خطوه اساسا في تحسين الموضوع دا ان الاتنين يكونوا علي وعي بأنماط التعلق بتاعتهم علشان الشخص اللي عنده تعلق تجنبي يكون فاهم هو ليه بيتصرف بالاسلوب دا والشحص اللي عنده تعلق قلق يكون فاهم هو ليه بيتصرف بالاسلوب دا وان الشخص اللي عنده تعلق قلق مهم جداً ان هو يبتدي يثق في نفسه بشكل اكبر وميعتمدش علي شريك حياته طول الحياة او اعتماد كلي مهم جداً في نفس الوقت يفهم الشخص اللي عنده تعلق تجنبي ان القرب دا مش ضعف هو اساس لعلاقات امنة وصادقة وبيخلق مساحه من الراحه والامان.

تحقبق نمط التعلق الامن

اول حاجه واللي هي اساس نمط التعلق الامن لغة التواصل والثقة مهم جداً انك تتدرب علي مهارات التواصل وتكون صادق وتعرف تعبر عن مشاعرك سواء مشاعر خوف او قلق يعني تعبر لما يجيلك مشاعر سلبيه تعبر عنها من غير ما تخاف ومن غير ما تاخد افتراضيات سيئة ومن غير ما تهرب من المشكلة.

مهم جداً تفهم انك لما بتبتدي تثق في شريك حياتك وتقرب منه بشكل اكبر دا هيساعدك ان انت تحقق نمط التعلق الامن لان اساس التعلق الامن زي ما قولتلكم هو الثقة المكان اللي بيكون فيه ثقة بيكون فيه راحة وتعامل بشكل كويس وبتقول حاجات اساسا من غير ما تفكر فيها تخيل كدا انك تكون قاعد في قاعدة وفيه اتنين او تلاته انت مش بتثق فيهم هتلاقي نفسك مش مرتاح والتعامل بتاعك مش كويس مهم جداً انك تثق في شريك حياتك وكمان تفهم ان انتوا الاتنين اهمية نمط التعلق الامن وانتوا الاتنين تسعوا علي تحقيق نمط التعلق دا.